Khaw Koob
Zaaj 1:
Xam Thub Xam Thub Xam Thub
Xaab Kees Nyab Noov Khees Koj
Noov Kees Thooj Laim
Xam Thub Noai Loos
Zaaj 2:
Lej Xoaim Paim Pej Tas Qhaub
Lej Oob Xoaim Oob Xoom Hooj Tiv
(Tuav teg)
Zaaj 3:
Lej Paim Pej Tas Qhaub Lej Kus Oob Xoom Hooj Tiv
(Muab peb lub pob zeb laim rua tom hauv ntej)
Zaaj 4:
ZAAJ TSAA FWJ CHIMLis Nos Lis Kos Kus Mas Xus Tas Xus
Has ib zag tshuab peb paas rua lub zuag. Has peb zag taag tes muab lub zuag ntsis lub taub hau taag tes muab ca sab sab txhob pub leej twg pum le. Thaum tawm rooj moog rua saab nrau luas yuav fwm yug heev.
Zaaj 5:
ZAAJ HAS KOM KUAS YUG NCU TAUXooj Les Mas Xab
Zaaj qheb hlwb. Has ntau ntau zag tes ua rua yug muaj cim xeeb zoo.
Zaaj 6:
ZAAJ KHAWV KOOB UA RUA KOM LUAS NYAM YUGSi Ni Ju Saw Puj Saab Ju Ni See
Has tag tes tsuab peb paas rua tug tuab neeg ua ntej koj nrug nws thaam.
Zaaj 7:
ZAAJ KHAWV KOOB PAAB TUG TUAB NEEG KOM TXHOB POOB DLEJ NUM LOS YOG YAM LE NWG XAAV TAUPas Laj Pas Les Toj Cees Nyais As Lem As Laus
Yug ua tom tsev moog paab tug tuab neeg tom hauj lwm. Thaum has taag tes tshuab paa moog rua nwg hab has tug tuab neeg ntawd lub npe.
Zaaj 8:
ZAAJ KHAWV KOOB KAW XUJ XAS TAS (MOOV) THAUM LUAS UA RUA YUG LUG NTSHAAV MUAGTas Tas Tib Pees Tas Qhob Tas Tas Qhob Pees Tas Tib Kuv
Das Tab Kuv Dab Tib Nab Mab Phus Thas Nyab Nab Mus
Phuj Thas Xus Kus Das Tas Xus Lam Kus Das Tib Xus Lev Kus
Da Tas Xus Hav Qhab Vas Taus
1. Muab peb lub pob zeb tso rua huv aav has ib zag taag xuas cov ntiv taw cuam ib lub pob zeb muab laim ncaaj nraim rua nwg lub qhov rooj tshuab ib paas lawv qaab. Ua peb zag ib yam le nuav tsi dlhau peb xyoos xwb nwg luj neej yuav lam taag.
2. Yog muaj tej lub paag dlej kws muaj muaj teeb meem. Koj has ib zag tsuab peb paas rua. Has peb zag ib yam. Ib ntus tes lub paag dlej yuav qhuav lawm.
Zaaj 9:
ZAAJ KHAWV KOOB UA RUA KOM QHOV MUAG PUM KEVYw Xov Pos Yaws Xov Cees Los Leem Txhij
Sawv ntxuv tseeg tes has ib taig dlej hab peb tswm xyaab. Nub tawm plawg tim npoo nyuj tes saab teg laug tuav ntim dlej saab tes xis tuav peb tswm xyaab saib ntsoov lub nub moog 6 kauj ruam rua tom ntej rov 6 kauj ruam rua tom qaab peb lwm moog peb lwm lug taag tes coj taig dlej lug huv tsev tes muab lub qhov muag ib saab rau rua huv taig dlej ntsais ntsais taag tes ho muab saab tod raug rua huv tais dlej ntsais ntsais taag tes ob lub qhov muag yuav rov qaab pum kev tuaj.
Zaaj 10:
ZAAJ KHAWV KOOB LUAS NTEG TAU YUG LAWM ES YUG NTI KOM DLIMTsis Nib Txum
Thaum luas nteg tau yug lawm tes has le nuav taag nrho tes yuav tsum nti dlim plawg le.
Zaaj 11:
ZAAJ KHAWV KOOB KHOM NQE KOM LUAS LUV NQE RUA YUGXum Nab Qham Pas Lis Muv Yas Tim
Has xyaa zag huv nruab sab rua tes ib plag xwb luas txawm kaam luv nqe rua yug lawm ntaag.
Zaaj 12:
ZAAJ KHAWV KOOB KAW QUAS PUJ LUB CEV TSI PUB TXIV NEEJ DLEEV TAUZaaj Xauv:
Thaj Xeem Puas Looj Cawb Thav Zwj Sij Thav Swb
Zaaj Qheb:
Swb Thav Yig Zwj Thav Cawb Looj Puas Xeem Thaj Swb
Thav Sij Zwj Thav Cawb Looj Puas Xeem Thaj
Has taag nrho tes tshuab rua huv yug lub xib teg coj lug plhw lub xub ndlag hab lub pob tw tes luas yeej ua tsi nkaag le lawm (Kaw).
Has zaaj Qheb tes ua tuab yam hab xwb.
Zaaj 13:
ZAAJ KHAWV KOOB NTXHWIb I Xais Nyaj
Txawm tuab neeg muab koj ntaus tuag lawm los tsuav lub hli tuaj ci rua tes rov qaab xeev.
Zaaj 14:
ZAAJ KHAWV KOOB NRAIM CEV (ZAAJ IB)Phus Las Qhab Phaus Moj Them Ej Thus Kab Lub Nas
Ua rua huv khob dlej tes muab haus taag luas tsi pum koj lawm.
Zaaj 15:
ZAAJ KHAWV KOOB NRAIM CEV (ZAAJ OB)Moj Txhos Txaim Tsawb Leej Thov Tom Moj Txhos Lwm
Chij Pom Tim Txw Li Zeej See
Ua tsuab rua koj txhais teg plhw koj lub cev tes luag tsi pum yug lawm.
NubZAAJ16:
ZAAJ KHAWV KOOB HAS PLAUB NTUG LOS YOG NTEG COV TSAJ QUS QUSHaum Yeeb Mas Txw Yeeb Txoom Ceeb Yij Meem Tshij
Yij Yij Mas Txav Tim Txi
Has ib lwm huv nruab sab taag tes tshuab peb paas rua tug tuab neeg los yog tug tsaj. Has 7 lwm. Ib plag tug tuab neeg ntawd yuav tsum ua raws le yug sab nyam huas tug tsaj los ca le nyam yug lawm.
Zaaj 17:
ZAAJ KHAWV KOOB SIV RUA TXHUA YAM MOBTxeev Tom Li Muas Tawm Taim Laij Teem Tej Tim Txij Laij
Taim Tej Taim Laij Taim Tos Tim Txij Laij Taim Ho Ceev
Cim Los Leem Txhij
Has ib zag taag tes tsuab peb paas rua yug cov ntiv teg tes coj moog zaws qho kws mob ntawd.
Zaaj 18:
ZAAJ KHAWV KOOB TSWM NTUAV/THOJ PLAAB HAW QUAVSis Hauv Peb Txheeb Peb Tas Leej – Vaam Txheeb Vaam Tas Leej
Ntuj Has Tas Koj Noj Koj Le Noj – Ntuj Has Tas Koj Tsi Txhob Noj Noj
Tes Koj Tsi Txhob Noj – Ntuj Has Tas Koj Nqeeg Tes Koj Le Nqees –
Ntuj Tas Koj Nce Tes Koj Tsi Txhob Nqees Es Koj Nces Tes Txhaj Le
Zoo. (Nuav yog Thoj Plaab)
Ntuj Tas Kom Nce Tes Koj Nce Tes Koj Tsi Txhob Nqees Es Koj Nce Es Txhaj Le Zoo.
Muab ua rua mob los zoo hab. Tsuas yog pauv cov lug xwb
Zaaj 19:
ZAAJ KHAWV KOOB TI TEG TI TAW YUAV TAWM ROOJNtuj Aw Qus Ntsej Qus Muag Es Kuv Yuav Lug Moog
Thaum ti teg ti taw es yug yuav tawm lug moog tsi xaav kom luas pum yug tes has li nuav. Has taag nrho le nuav tes siv siv zug ntsub taag nrho tes ca le lug moog.
Zaaj 20:
ZAAJ HU PLIG QHEB TEB CHAWS
Kev Npaaj:
Txav ib cov swm ntawv tau tes moog hlawv xyaab rua dlaab qhuas es kom puab nrug yug moog txoj/taug tug mob los yog tug tuab neeg ntawv tug plig.
1. Pib lub teb chaws los yog lub nroog kws tug tuab neeg ntawd nyob
2. Xus saab teg xis tuv raab rag suam saab txum phem lug moog rua saab xis tes Hlawv peb swm ntawv rua
3. Tes thov kom lub teb chaws ntawd qheb nwg lub tech chaws es yug yuav hu tug tuab neeg ntawd tug plig
4. Taag ntawd tes hlawv peb swm ntawv rua es thov kom tug tswv teb chaws ntawd nrug yug moog txoj tug mob ntawd tug plig
5. Hu moog rua txhua lub teb chaws kws nwg tau lug nyob moog kom txug rub lub chaw xuv xeeb.
6. Taag nuav tes ho Hlawv peb swm ntawv kom luas kaw lub teb chaws rua es kom tug plig tsi txhob tau kev rov moog lawm.
7. Thaum kaw teb chaws tes ho txuas saab teg txhum phem muab raab rag sua saab xis lug moog rua saab txhum phem
8. Thaum coj lug txug rua lub teb chaws kws nwg nyob ntawb tes Hlawv cuaj swm ntawv rua kom tug tim tswv teb chaws ntawd paab saib tsi txhob pub nwg tug ntsuj plig moog rua hov twg.
9. Taag nuav tes muab coj lug cob rua cov dlaab qhuas ru tug Xim Kaab
10. Taag nuav tes muab lub qai rua nwg tes muaj ib txuj hlua lug khi rua.
11. Tes huv tsev muaj pig tsawg tug tuab neeg los kom suav dlawg lug khi hlua rau nwg tes xaus.
Pib Le Nuav:
Nub nua tsuas zoo nub mo nuav tsuas zoo mo es (tug tuab neeg mob) nwg ua mob ua nkeeg, noj tsi qaab pw tsi tsaug…kuv yog Txwj yog Laug Vaaj Tshaab Koob tom txwv…kuv tuaj kuv yuav lug thov rua (nwg ncej dlaab ncej qhua) nrug kuv moog thov le (tim tswv teb chaws) qheb nwg lub teb chaws rua peb yuav moog hu (nwg) tug ntsuj tug plig rov qaab lug moog tsev…lug nrug nwg cev nqaj nyaj Xaa kuv. Si lauj tim tswv tech chaws (lub npe teb chaws) peb muaj peb com nyaj tuaj thov mej qheb mej lub teb chaws rua peb yuav moog hu nwg tug ntsuj tug plig…tug mob tug ntsuj plig moog poob rua yaag kev yaag ncua lawm los peb tuaj hu lawm tes ca les sawv lug moog….moog poob rua haav zoov haav tsuag lawm los ca les sawv lug moog tsev….poob rua kev ua noj ua haus lawm lo peb tuaj hu lawm tes ca les sawv lug moog tsev…moog poob rua luas rooj dlej rooj cawv lawm los peb tuaj hu lawm tes ca le sawv lug moog tsev…moog poob rua kev ua qoob ua loo lawm los peb tuaj hu lawm tes ca le sawv lug moog tsev…moog poob rua kev saib neej saib tsaav lawm los peb tuaj hu lawm tes ca le sawv lug moog tsev…moog poob rua kev kawm txuj kawm ci lawm los peb tuaj hu lawm tes ca le sawv lug moog tsev…moog poob rua kev has plaub has ntug lawm los peb tuaj hu lawm tes ca le sawv lug moog tsev….moog poob rua kev tsuv kev rog lawm los peb tuaj hu lawm tes ca le sawv lug moog tsev….moog poob rua luas chaw tu tub tu kiv chaws ntus tsuj ntus npuag lawm los peb tuaj hu lawm tes ca les sawv lug moog tsev….moog nrug cev nqaj nyaj txa kub nyob kom muaj sav muaj zug….nyob ntsej lab kom muag tshab es ca le lug moog.
Huv le nuav rua txhua lub teb chaws kws (tug mob) tau lug nyob. Thaum hu txhua lub teb chaws lawm tes ho muab peb com nyaj hlawv rua tes has le nuav:
(Lub Teb Chaws)…nub nua mej qheb mej lub teb chaws rua peb tuaj hu tau (tug mob) nuav peb tug Ntsuj Kaum ob tug plig rov nrug peb moog tsev lawm mas thov muab cov nyaj nuav tsua mej es kom mej muab mej lub teb chaws kaw kom ruaj nreb ca kom nwg tsi txhob tau kev rov qaab tuaj lawm.
Has le nuav rua txhua lub teb chaws kom lug txug lub teb chaws los log lub zog kws nwg nyob ntawd.
Zaaj 21:
ZAAJ HU PLIG TXHAWB TUG NTSUJ DLUAB NTSUJ HLAUS NYUJ RAAG CAAB LIS KAU, NTSUAG NYAJ NTSUAG KUB, KEV TXAWJ KEV NTSE, KEV MUAJ TXAG NPLUA NUJ, KEV NOM KEV TSWV
Tshaab Txais:
Thaum yug ua neej nyob es khwv tau nyaj txag los pheej tsi tau le mas tej zag nam tau has lug phem rua txiv los yog txiv tau has lug phem rua nam lawm tes txaj ua neej caum tsi cuag luas. Thaum yug ho moog khwv tau miv ntsiv nyaj los xij pheej moog thaab plaub es pheej yuav tau muab tej nyaj siv tsi raws sab xaav es ua neej tsi cuag luas tes yuav tau lug hu plig le nuav.
Kev Npaaj:
Thaum hu tes ua kaum ob lub taus plooj los yog taus ntawv rua huv lub phaaj es kom cov ntuj ntawd lug tau chaw nyob.
Kev Npaaj:
Thaum hu tes ua kaum ob lub taus plooj los yog taus ntawv rua huv lub phaaj es kom cov ntuj ntawd lug tau chaw nyob. Nam hu txiv, txiv hu nam. Thaum hu tes muab ib tug qab lug hu. Thaum hu taag tes muab tug qab ntawd tua vum kom sav sav tes muab txuj hlua coj lug khi…tes thab saab huv qhaab tuaj tes has tas:
Txhawb nwg ntsuj….