Laig Dlaab Cawv
lees yuas haub sis laws haub sis laws,
zoo le kws nwg puj nwg yawg tsev tog nuav,
nwg tsua 9 hnub yuav pwg tshoob 8 hmo yuav pwg kug.
nwg le yeej cuam tau kuv ntuj dlaab
yawm kis ntxoos ceeb qheg tuaj txug nua.
lees yuas haub sis laws haub sis laws,
zoo le kws nwg puj nwg yawg tsev tog nuav,
nwg tsua 9 hnub yuav pwg kug 8 hmo yuav pwg tshoob.
nwg le yeej cuam tau kuv ntuj dlaab yawm kis ntxoos ceeb tuaj poob nua.
lees yuas haub sis laws haub sis laws,
ntshe kuv ntuj dlaaj yawm kis ntxoos tes
rua doj quas
lag ceeb tuaj txug nwg puj nwg yawm tsev tog nuav,
nwg puj nwg yawg yuav tas
nam poob xaab nyob rug tsi muaj
hos nam poob caw nyob rug tsi tau.
yog leej quas twg pum laws nam poob xaab qaab,
yog cwj lis khaab txhaj pum tau nam puj xaab qaab nua.
lees yuas haub sis laws haub sis laws,
tshe kuv ntuj dlaaj yawm kis ntxoos tes
rua doj quas lag ceeb
tuaj txug nwg puj nwg yawm tsev tog nuav,
nwg puj nwg yawg yuav tas nam poob xaab nyob
rug tsi muaj hos nam poob caw nyob rug tsi tau.
yog leej quas twg pum laws nam poob caw lwg,
yog khaab lis cwj txhaj pum tau nam puj caw lwg nua.
lees yuas haub sis laws haub sis laws,
tshe cwj lis khaab yuav tog txug laws
lub ntuj qua tshab ceeb tawm tuaj tes,
cwj lis khaab le muab laws
nam taum noob npleb nplaum
coj moog cog le nkaus tuaj rua tsuab lag,
tog lawm paaj qoob rug tawg taag txiv qoob rug sav nraas,
25%
tes cwj lis khaab le muab
quas tshab tuaj rua sau txhaab,
quas laug coj moog cub le nkaus tuaj rua nruab cub,
npau le nphwv tuaj rua ntsau vaaj,
coj moog xiw quas zoj tuaj rua nruab tsus,
tog lawm nam 2 hnub 3 taag khig,
qaab zib zum zog xiws le zib daab tes
nwg puj nwg yawm le muaj ib khob nuav
rua kuv ntuj dlaab yawg kis ntxoos coj lug laig dlaab nua.
lees yuas haub sis laws haub sis laws,
tshe khaab lis cwj yuav tog txug laws
lub ntuj qua tshab ceeb tawm tuaj tes,
khaab lis cwj le muab laws nam taum noob npleb
nplaum coj moog cog le nkaus tuaj rua ntsuab lag,
tog lawm paaj qoob rug tawg taag txiv qoob rug sav nraas,
tes khaab lis cwj le muab quas tshab tuaj rua sau txhaab,
quas laug coj moog cub le nkaus tuaj rua nruab cub,
npau le nphwv tuaj rua tsau sau lev,
coj moog xiw quas zoj tuaj rua nruab tsus,
tog lawm nam 2 hnub 3 taag khig,
qaab zib zum zog xws le zib muv tes
nwg puj nwg yawm le muaj ib khob nuav rua kuv ntuj dlaab yawg kis ntxoos coj lug hais kug nua.
lees yuas haub sis laws haub sis laws,
tshe luag noj le tag luag yuav tsi haiv luag haus le tag luag yuav tsi laig,
kuv ntuj dlaab yawg kis ntxoos, kuv noj le tag kuv yuav haiv,
kuv haus le tag kuv yuav laig,
yuav haiv yuav laig puab quas cawv ntsheg tshoob rug le tawv,
50%
yuav haiv yuav laig kuas nkauj nyaaj txiv nraug tees sis vauv moog kib cuab vij zeej tes,
kuas nkauj nyaaj tuav laws txiv nraug tees sis vauv teg tuav tuab quas tsawv nua.
lees yuas haub sis laws haub sis laws,
tshe luag noj le tag luag yuav tsi haiv luag haus le tag luag yuav tsi laig,
kuv ntuj dlaab yawg kis ntxoos,
kuv noj le tag kuv yuav haiv,
kuv haus le tag kuv yuav laig,
yuav haiv yuav laig puab quas tso ntsheg tshoob rug le tos,
yuav haiv yuav laig kuas nkauj nyaaj txiv nraug tees sis vauv moog kib cuab vij zeej tes,
kuas txiv nraug tees sis vauv tuav laws nkauj nyaab teg teg tuav tuab quas hlo nua.
lees yuas haub sis laws haub sis laws,
tshe leej quas tsi noj lawm nkauj nyaab yaam haus lawm nkauj nyaaj ncos.
yog lawm kuv ntuj dlaab yawm kis ntxoos tes
noj lawm nkauj nyaaj yaam haus lawm nkauj nyaab ncos.
kuv yuav xaa nkauj nyaab txiv nraug tees sis vauv,
xaa le zom moog txug lawm tom peg le suab tom roob aav moog luaj qhua.
kuas nkauj nyaab txiv nraug tees sis vauv moog ua lub neej le tag nyob tes,
ncu quas nroov tas tshuav lawm kuv ntuj dlaab yawm kis ntxoos nam ib lub npuag nua.
lees yuas haub sis laws haub sis laws,
tshe leej quas tsi noj lawm nkauj nyaab yaam haus lawm nkauj nyaaj ncos.
yog lawm kuv ntuj dlaab yawm kis ntxoos
tes noj lawm nkauj nyaaj yaam haus lawm nkauj nyaab ncos.
kuv yuav xaa nkauj nyaab txiv nraug tees sis vauv,
xaa le zom moog txug lawm tom peg le suab tom roob aav moog luaj tshaus.
kuas nkauj nyaab txiv nraug tees sis vauv moog ua lub neej le tag nyob tes,
ncu quas nroov tas tshuav lawm kuv ntuj dlaab yawm kis ntxoos nam moog ib lub nkaus daub nua.
75%
lees yuas haub sis laws haub sis laws,
tshe leej quas tsi noj lawm nkauj nyaab yaam haus lawm nkauj nyaaj ncos.
yog lawm kuv ntuj dlaab yawm kis ntxoos
tes noj lawm nkauj nyaaj yaam haus lawm nkauj nyaab ncos.
kuv yuav muab nkauj nyaab txiv nraug tees
sis vauv xaa le zoj moog cob le nkaus rua nwg puj nwg yawg tsev tog u lub moog cooj qab.
tshe kuv ntuj dlaab yawm kis ntxoos tes tseem yuav ncu quas ntsoov tas,
tshuav lawm nkauj nyaab txiv nraug tees sis vauv nam ib lub tsab nua.
lees yuas haub sis laws haub sis laws,
tshe leej quas tsi noj lawm nkauj nyaab yaam haus lawm nkauj nyaaj ncos.
yog lawm kuv ntuj dlaab yawm kis ntxoos tes
noj lawm nkauj nyaaj yaam haus lawm nkauj nyaab ncos.
kuv yuav muab nkauj nyaab txiv nraug tees
sis vauv xaa le zoj moog cob le nkaus rua nwg puj nwg yawg tsev tog u lub moog cooj npua.
tshe kuv ntuj dlaab yawm kis ntxoos tes tseem yuav ncu quas ntsoov tas,
tshuav lawm nkauj nyaab txiv nraug tees sis vauv nam ib ceg npua nua.
lees yuas haub sis laws haub sis laws,
tshe kuv ntuj dlaab yawm kis ntxoos tes kuv yuav haiv kuv dlaab moog dlhau kev,
yuav tseg tau koj txiv tuam mej koob, txiv txum mej koob,
tub phij laaj mej dlaab quas li qeeg nrov tom tsev nua
lees yuas haub sis laws haub sis laws,
tshe kuv ntuj dlaab yawm kis ntxoos tes kuv yuav haiv kuv dlaab moog dlhau kaab,
yuav tseg tau koj txiv tuam mej koob, txiv txum mej koob,
tub phij laaj mej dlaab quas li qeeg nrov tom qaab nua
lees yuas haub sis laws haub sis laws, vaam foob tis yuav foob,
vaam vug tis yuav vug, caaj tshoob kev kug tog u tog nuav ob tog ob tog txug nua
lees yuas haub sis laws haub sis laws, vaam vug tis yuav vug,
vaam foob tis yuav foob, caaj tshoob kev kug tog u tog nuav ob tog ob tog poob nua
lees yuas haub sis laws haub sis laws
Full Song Sung
Full Song Spoken and pronounced