>

Thaus Coj tau ib tug nyaab lug txug tsev:

1. Kom tug tub hab nyaab ob tug nreg ntawm qhov rooj saab nrau ua ib ke tes muab tug puj qab los yog ib tug xyaab lug lwm sau lub taub hau nqeeg lug rua huv kua taw. has le nuav:
   
   Haam Choj English translation : Have the couple stand together just outside the doorway entrance of the house (Not inside the house).
   If your looking at the couple from inside the house. The husband should be on the right and the wife on the left.
   Use a hen or 1 incense to go around their body, from their head to their toe and say the following ....
   Auv nub nua yog ib nub dlawb nub zoo
   Tug tub(Npe) coj tau tug nyaab (Npe)
   lug ua nwg puj nwg sev
   mas kuv muab tug puj qab
   kua taw luaj ku dlav nwg paub lawm ntuj
   sav nwg kua taw
   luaj ku rawg nwg paub lawm ntuj zug
   mas kuv muab nwg lug quas
   lug taav dlaab neej
   tsaa dlaab peg dlaab ntxaug,
   dlaab ntxoog dlaab tsu
   rov qaab moog rua nwg vaaj nwg tsev.
   Puj qab ncaws lis to tej dlaab phem dlaab tsi zoo rov lis hlo,
   puj qab ncaws lis tawv dlaab neej tsaa dlaab phem dlaab tsi zoo kom rov lis zawv.
   Kuv muab tug puj qab nuav quas nkau tuaj nruab nraab
   mas dlaab neej tsaa
   dlaab txeeg dlaab qus soj tsim pum nwg qaab
   kuv muab tug puj qab nuav quas nkaus nwg kev
   mas kom dlaab neej tsaa dlaab txeej dlaab qus soj tsi pum nwg cev ntaag auv.
   
   Kom tug tub hab nyaab ob tug lug hlo rua huv tsev nreg ntawm lub paws rooj tes muab tug qab lug lwm huv kua taw txhawb lug rua sau taub hau tes has le nuav:
   Auv nub nua tub (npe) coj tau nyaab(npe) lug ua nwg tug nam tsev
   mas nwg yuav coj plig nyaj plig kub plig tub plig kiv
   kev muaj txag nplua nuj kev txawj kev ntse kev nom kev tswv
   kev caj vaaj caj fwv lug
   Mas Nam txiv ncej dlaab ncej qhua Xwm Kaab Txhaj Meej Pem Xeeb
   yuav qaws quas zog tug nyaab nuav ntsuj dluab ntsuj plig
   nyuj raag caab kau ntsuj dluab ntsuj hlau lug rua vaaj rua tsev
   kom lug ua neej nyob fuam vaam fuam txhaj muaj
   koob nto npe ntaag auv.
   Has xaus nkaus tes muab lub qhov rooj kaw rua.
   
   
2. Nrhav ob tug tuab neeg moog thoob xu. Npaaj ib txuj suav ceeb, ob peb pob luam yeeb, nyaj(nam txiv ib lee gib lub qai $100.00, $60.00 muab rua puj laug yawm laug nam ntxawm txiv ntxawm, nug tij nug kwv ntaus ntsab tsi paub faib no, $20.00 rua tug tsawb tshoob, $40 lub xu ntsug suav ceeb.

Nruab Yeeb rua tug Tsawb Tshoob los yog Txiv tes has le nuav: Has rua koj tug tsawb tshoob los yog tug ua nam ua txiv tas ( Txiv -tug tub tuaj coj tau (Txiv -tug ntxhais ) lawm es ib tuaj nuav tes yog tuaj qha rua mej cov ua nam ua txiv paub es kom mej txhob nrhav. Nwg moog nyob muaj chaw lawm. Tom qaab has cov lug nuav taag tes rov qaab nruab yeeb dlua tes maam muab cov nyaj rua tug tswb tshoob los yog txiv tes plov meej cov nyaj le sau toj nuav. Moob dlawb mas muaj tug tsawb tshoob. Moob leeg tes yog leej txiv xwb. Taag nuav tes nug saib nub twg le rov qaab moog teem tshoob tes has le nuav: Xaav nug mej cov ua nam ua txiv saib mej xaav kom nub twg es peb le rov tuaj ntsuam dlej ntsuam txhuv). Dlhau nuav tes sawv lug pe nam pe txiv has le nuav: Txiv hab nam auv luas tas muab dlev tub dlev tum muab npua tub npua ntsw nub nua tuaj coj tau txiv hab nam tug ntxhais lawm mob mob txiv hab nam sab los thov txiv hab nam ua sab luj nawv. Pe puj yawm, puj laug yawm laug nam ntxawm txiv ntxawm, puj nyaaj txiv kwj yij, nug tij nug kwv nug tij nug npawg.

1. Nrhav Txiv Tuam Mej Koob, Lwm Mej Koob, Phis Laaj, Rig Nraa, Nam Ua Luag (nam txais Ntsuab.
   
   Thov Txiv tuam mej koob. Npe Mej Koob, kuv tug tub moog coj tau nyaab lug lawm es xaav thov koj moog paab ua mej koob. Thov phis laaj, ris nraa, nam ua luag tes has tuab yam le nuav xwb. Yog xuas lub foos hu xwb nua tes thaum tuaj txug maam laub ib khub cawv rua tes maam rov has dlua le kws yug thov nwg.
   
   
2. Thaum yuav moog es thov puab nrug coj tub hab nyaab rov moog xaus tshoob has le nuav: Txiv tuam mej koob (npe) nub nua (tug txiv tsev) nwg tsaa nwg ncej tsev muaj tub nwg muab sev nws txhawb nwg nqaaj nthaab muaj tub nwg muab nyaab. Nwg yuav tso nam ntaab moog ntsawj tsua muv moog ntsawj thoob tsi pum qaab yuav zug yuav yuav koj lub dlaag lub zug coj (tug tub) puab nyuas moog xaus tshoob xaus kug, moog laaj nam laaj txiv yuav muab koj lub plhu txaj plhu ntsig moog ntaiv nub ntaiv hli moog tiv kev ab kev dlaw los thov koj ua sab quas ntev nawv.
   
   
3. Has rua tug phis laaj) nub nua (tug txiv tsev) nwg tsaa nwg ncej tsev muaj tub nwg muab sev nwg txhawb nwg nqaaj nthaab muaj tub nwg muab nyaab. Nwg yuav tso nam ntaab moog ntsawj tsua nam muv moog ntsawj thoob tsi pum qaab yuav zug yuav yuav koj lub dlaag lub zug coj (tug tub) puab nyuas moog xaus tshoob xaus kug, moog laaj nam laaj txiv yuav muab koj lub plhu txaj plhu ntsig moog ntaiv nub ntaiv hli moog tiv kev ab kev dlaw los thov koj ua sab quas ntev nawv.
   
   
4. Has rua ris nraa (Npe) nub nua (tug txiv tsev) nwg tsaa nwg ncej tsev muaj tub nwg muab sev nwg txhawb nwg nqaaj nthaab muaj tub nwg muab nyaab. Nwg yuav tso nam ntaab moog ntsawj tsua muv moo ntsawj thoob tsi pum qaab yuav zug yuav yuav koj lub dlaag lub zug coj (tug tub) puab nyuas moog xaus tshoob xaus kug, moog laaj nam laaj txiv yuav muab koj lub plhu txaj plhu ntsig moog ntaiv nub ntaiv hli moog tiv kev ab kev dlaw los thov koj ua sab quas ntev nawv.
   
   
5. Has rua nam ua luag (nam txais ntsuab) (Npe) nub nua (tug txiv tsev) nwg tsaa nwg ncej tsev muaj tub nwg muab sev nwg txhawb nwg nqaaj nthaab muaj tub nwg muab nyaab. Nwg yuav tso nam ntaab moog ntsawj tsua nam muv moog ntsawj thoob tsi pum qaab yuav zug yuav yuav koj lub dlaag lub zug coj (tug tub) puab nyuas moog xaus tshoob xaus kug, moog laaj nam laaj txiv yuav muab koj lub plhu txaj plhu ntsig moog ntaiv nub ntaiv hli moog tiv kev ab kev dlaw los thov koj ua sab quas ntev nawv.
   
   
6. Thaum yug has rua ib tug ib tug tag tes has ib zag rua taag nrho txhua 2 tug pib txiv tuam mej koob txug rua nam ua luag tes le maam pe.

Rooj cawv sawv kev:

Xeej 1. Tug cawv thov dlaag zug.
2. Tug cawv cob kaus.
3. Tug cawv sawv kev.
4. Tug cawv lawv rooj.

Thaum haus tug cawv cob kaus tes muab lub kaus hab nyaj lug cob rua Txiv tuam mej koob. Has rua koj (txiv tuam mej koob) tas nuav yog lub kaus hab txuj siv ceeb. Muab nam nkauj kaus dlub kaus lis vuam cob nkaus rua koj tej quav npaab es yuav vaam koj coj nam nkauj naus roog nkauj nyaab nraug vauv sawv moog ntoj kaa. Muab nam nkauj kaus dlub kaus lis vuam cob lis nkaus rua koj tej quav teg yuav vaam koj muab nam nkauj kaus roog nkauj nyaab nraug vauv sawv moog ntoj ke nawv. Dlhau nuav tes has rua koj txiv tuam mej koob txug cov nyaj. Has rua koj tas nam txiv npaaj tau nyaj npaum le nuav rua koj coj moog yog ho tsi txaus nua los nam txiv maam muab ntxiv. Thaum haus xeej cawv sawv kev tes muab lug le nuav rua txiv tuam mej koob. Has rua koj ua txiv tuam mej koob tas nub nua koj moog tes Mej Koob los yog koj, Nam Txiv los yog koj, Nom Tswv los yog koj. Koj moog es yaam txaus laav le caag los koj yij meem laav raws le koj ua tau. Yaam kws tsim nyog yuav tau them nyaj los koj yij meem ua moog. Yog tas yaam kws nam txiv tom u tsi yib le es yuav yuav nam txiv txuam txhaj yuav taag xwb nua tes koj maam saab laaj lug rua nam txiv nawv. Koj moog tes peb yuav nyob tsev tog mej rov qaab lug.

Thaum rov lug txug tsev tes muab lub qhov rooj kaw.

Tug mej koob yuav lug khob qhov rooj hab nug tas: Mej caiv los tsi caiv ne?

Tug nyob huv tsev teb tas: Peb caiv lawm os.

Tug nrua zoov rov nug tas: Yog le caag mej ho caiv n?.

Tug huv tsev teb tas: Aub yog peb tso tau txiv tuam mej koob coj cov miv nyuas moog xaus tshoob xaus kug lawm peb tseem tog es peb caiv lawm os.

Tug txiv tuam mej koob rov has tas: Aub yog le tes yog peb lawm ntaag. Kuv coj cov miv nyuav peb moog xaus tshoob xaus kus moog tis tau kev neej ruaj lis nreb xws le npoo ntuj ruaj lis nreeg xws le npoo teb lawm es peb rov qaab lug.

Tug huv tsev rov nug tas: Yog le mej lug nua mej coj tau dlaab tsi nrug mej lug nej?

Txiv tuam mej koob teb tas: Aub peb lug tes peb coj tau tub nyaab lug es tub nyaab coj tau plig nyaj plig kub, plig tub plig kiv, plig tsaj plig txhuv, plig maaj plig ntuag, coj tau cuaj txwg tub maab yim txwm tub qhev cuaj ntswg laj ncaab yim ntswg laj ntev lug yaas los kib txoob yuav lug ua neej fuam vaam ntwg le xub ntaab nroo ntwg le xub muv ntaag lau.

Tug huv tsev tas: Aub yog le tes zoo lawm lau. Lug tsev lug tsev.

Tam Mej Koob, Phis Laaj, Ris Nraa, Nam Ua Luag (Nam Txais Ntsuab)

1. Npaaj ib leeg ib sawb nqaj (yaav ntuj thaus u tsi muaj vim txom nyem. Tuaj teb chaws nuav muaj lawm tes txhaj npaaj cov sawb nqaj xwb. Peb tsev tuab neeg kuv yog tug xub xub pib).

Noj Mov taag tes rau rooj cawv.

1. Rooj cawv tes muab txiv tuam mej koob, phis laaj ris nraa, nam ua luag nqug lug nyob rooj. Tsaws cawv chob ntxuag rua tes has le nuav: Txiv tuam mej koob (npe) nub nua (tug txiv tsev) nwg tso nam ntaab moog ntsawj tsua nam muv moog ntsawj thoob tsi pum qaab yuav zug yuav yuav koj lub dlaag lub zug coj (tug tub) puab nyuas moog xaus tshoob xaus kug, moog laaj nam laaj txiv rov lug txug tsev lug cheb qawj ntxuav qaab yag to lug yaas los kib txoob kuas tsi muaj ib rawg zoo ntxuag rua koj khaws tsi muaj ib paas zoo cawv ruaj koj tsaws tsuas muab lub rooj qhuav lug lwv koj xwb tau lu lug ua tsaug qhuav xwb es ua koj tsaug nawv.
   
   
2. Tshooj 2 tes muab tug ntxuag (sawb nqaj hab Nyaj rua mej koob, phis laaj, ris nraa, hab nam ua luag) tes has tshooj ib lug taag tes txuas tshooj 2 le nuav ntxiv: ua koj tsaug es txhob tu sab nawv luas tas nub qaab nraag lub ntsis yog koj ntoo maaj tsi txawm nruab kaab ntoo tuv tsi txawm nruab ke muab tub tsi muab nyaab muaj ntxhais tsi tsaws qua los tseg, muaj tub muab nyaab muaj ntxhais tsaws qua koj vaam tsi txug peb cov txiv tub los tseg yog ho vaam txuv peb caov txiv tub, peb tuaj ua tsi tau tug nceh ruv los los peb yuav tuaj ua tug ncej kaum ua tsi tau tug ncej kaum los yuav tuaj nrug koj kwv raaj dlej puag tsuag tawg thab lub plaab theej lub thauv nawv es ua koj tsaug.
   
   
3. Has rua tug phis laaj) nub nua (tug txiv tsev) nwg tso nam ntaab moog ntsawj tsua nam muv moog ntsawj thoob tsi pum qaab yuav zug yuav yuav koj lub dlaag lub zug coj (tug tub) puab nyuas moog xaus tshoob xaus kug, moog laaj nam laaj txiv laaj txiv rov lug txug tsev lug cheb qaab tsev qawj ntxuav qaab yag to lug yaas los kib txoob kuas tsi muaj ib rawg zoo ntxuag rua koj khaws tsi muaj ib paas zoo cawv ruaj koj tsaws tsuas muab lub rooj qhuav lug lwv koj xwb tau lu lug ua tsaug qhuav xwb es ua koj tsaug.
   
   
4. Tshooj 2 tes muab tug ntxuag (sawb nqaj hab Nyaj rua mej koob, phis laaj, ris nraa, hab nam ua luag) tes has tshooj ib lug taag tes txuas tshooj 2 le nuav ntxiv: ua koj tsaug es txhob tu sab nawv luas tas nub qaab nraag lub ntsis yog koj ntoo maaj tsi txawm nruab kaab ntoo tuv tsi txawm nruab ke muab tub tsi muab nyaab muaj ntxhais tsi tsaws qua los tseg, yog koj ntoo maajho txawm tuaj nruab kaab ntoo tuv txawm tuaj nruab ke muaj tub muab nyaab muaj ntxhais tsaws qua koj vaam tsi txug peb cov txiv tub los tseg yog ho vaam txuv peb cov txiv tub, peb tuaj ua tsi taug tug ncej ruv los los peb yuav tuaj ua tug ncej kaum ua tsi taug tug ncej kaum los yuav tuaj nrug koj kwv raaj dlej puag tsuag tawg thab lub plaab theej lub thauv nawv es ua koj tsaug.
   
   
5. Has rua ris nraa (Npe ) nub nua (tug txiv tsev) nwg tso nam ntaab moog ntsawj tsua nam muv moog ntsawj thoob tsi pum qaab yuav zug yuav yuav koj lub dlaag lub zug coj (tug tub) puab nyuas moog xaus tshoob xaus kug, moog laaj nam laaj txiv laaj txiv rov lug txug tsev lug cheb qaab tsev lug cheb qawj ntxuav qaab yag to lug yaas los kib txoob kuas tsi muaj ib rawg zoo ntxuag rua koj khaws tsi muaj ib paas zoo cawv ruaj koj tsaws tsuas muab lub rooj qhuav lug lwv koj xwb tau lu lug ua tsaug qhuav xwb es ua koj tsaug nawv.
   
   
6. Tshooj 2 tes muab tug ntxuag (sawb nqaj hab Nyaj rua mej koob, phis laaj, ris nraa, hab nam ua luag) tes has tshooj ib lug taag tes txuas tshooj 2 le nuav ntxiv: ua koj tsaug es txhob tu sab nawv luas tas nub qaab nraag lub ntsis yog koj ntoo maaj tsi txawm tuaj nruab kaab ntoo tuv tsi txawm tuaj nruab ke muab tub tsi muab nyaab muaj ntxhais tsi tsaws qua los tseg, koj ntoo maaj ho txawm tuaj nruab kaab ntoo tuv txawm tuaj nruab kev muaj tub muab nyaab muaj ntxhais tsaws qua koj vaam tsi txug peb cov txiv tub los tseg yog ho vaam txuv peb cov txiv tub, peb yuav tuaj ua tug ncej ruv yog peb ho tuaj ua tsi taug tug ncej ruv los peb yuav tuaj ua tug ncej kaum ua tsi taug tug ncej kaum los yuav tuaj nrug koj kwv raaj dlej puag tsuag tawg thab lub plaab theej lub thauv nawv es ua koj tsaug.
   
   
7. Has rua nam ua luag (nam txais ntsuab))Npe ) nub nua (tug txiv tsev) nwg tso nam ntaab moog ntsawj tsua nam muv moog ntsawj thoob tsi pum qaab yuav zug yuav yuav koj lub dlaag lub zug coj (tug tub) puab nyuas moog xaus tshoob xaus kug, moog laaj nam laaj txiv laaj txiv rov lug txug tsev lug cheb qaab tsev qawj ntxuav qaab yag to lug yaas los kib txoob kuas tsi muaj ib rawg zoo ntxuag rua koj khaws tsi muaj ib paas zoo cawv ruaj koj tsaws tsuas muab lub rooj qhuav lug lwv koj xwb tau lu lug ua tsaug qhuav xwb es ua koj tsaug nawv.
   
   
8. Tshooj 2 tes muab tug ntxuag (sawb nqaj hab Nyaj rua mej koob, phis laaj, ris nraa, hab nam ua luag) tes has tshooj ib lug taag tes txuas tshooj 2 le nuav ntxiv: ua koj tsaug es txhob tu sab nawv luas tas nub qaab nraag lub ntsis yog koj ntoo maaj tsi txawm tuaj nruab kaab ntoo tuv tsi txawm tuaj nruab ke muab tub tsi muab nyaab muaj ntxhais tsi tsaws qua los tseg, koj ntoo maaj ho txawm tuaj nruab kaab ntoo tuv txawm tuaj nruab ke muaj tub muab nyaab muaj ntxhais tsaws qua koj vaam tsi txug peb cov txiv tub los tseg yog ho vaam txuv peb cov txiv tub, peb yuav tuaj ua tug ncej ruv yog peb ua tsi taug tug ncej ruv los peb yuav tuaj ua tug ncej kaum ua tsi taug tug ncej kaum los yuav tuaj nrug koj kwv raaj dlej puag tsuag tawg thab lub plaab theej lub thauv nawv es ua koj tsaug.
   
   
9. Thaum yug has rua ib tug ib tug tag tes has ib zag rua tag nrho txhua 2 tug pib txiv tuam mej koob txug rua nam ua luag tes le maam pe.
   
   

1. Xeej 1 yog Ua Tsaug
   
   
2. Xeej 2 yog txais tog tug nyaab
   
   
3. Xeej 3 yog xeej cawv Tam (ib txha ca le ua raws moob dlawb tes muab xeej cawv nuav hu ua xeej cawv kaw lug) (pib xeej cawv tes muab tsaw rua txiv tuam mej koob kom nwg chiv tuaj. Xeej cawv nuav tes Mej Koob muaj lug dlaab tsi los nwg maam thaam saib moog ua rooj tshoob muaj dlaab tsi).
   
   
4. Xeej 4 yog xeej cawv lawv rooj (zoo sab).
   
   

Xaus

Qua Ntxhais

Thaus luas tuaj thoob xu. Peb le peb tsi muaj tug tsawb tshoob tes muaj dlaab tsi los nrug txiv thaam xwb. Nwg nuav tes muaj rooj kuj hu tug coj ntawm pawg kwv tij tuaj txais lub xu lawm hab.

Nrhav tug Txum Mej, Kaav Xwm, ob tug Ua Zaub(Tshwj Kaab), Ib tug mua mov.

Ntaus qhua laug: Yawm Txoos, Nam Txiv Dlaab, Nug Tij, Qhua Tais Laug Txiv Laug. Tej laug mas cov qhua yug tuaj yug xwb kuas nwg nuav tes pheej kom tug vauv tuaj ib los yog 2 ncos.

Thov tug txum mej has le nuav: Tsaws ib saab kob cawv (ib khub cawv) rua. Nub nua nwg (txiv tsev) tso nam coob moog cuag luag nam ntseg moog cuag ntxhee tsi pum qaab yuav zug yuav yuav koj lub dlaag lub zug tuaj nrug txis tshoob txis kug es yuav muab koj laub rua txuj tsiv kev los thov koj ua sab ntev nawv.

Thov Kaav Xwm:
Thov tug kaav xwm has le nua: Tsaws ib saab kob cawv (ib khub cawv) rua. Nub nua nwg (txiv tsev) tso nam coob moog cuag luag nam ntseg moog cuag ntxhee tsi pum qaab yuav zug yuav yuav koj lub dlaag lub zug tuaj nrug saib tshoob saib kug coj qhua noj qhua haus yuav vaam koj tuaj nthe sab nthe qeg yuav tso lub rooj thsoob rooj kug rua koj ua tug leg es yuav muab koj laub rua txuj tsiv kev los thov koj ua sab ntev nawv.

Thov 2 tug ua zaub:
Thov 2 tug ua zaub has le nuav: Tsaws ib saab kob cawv (ib khub cawv) rua. Nub nua nwg (txiv tsev) tso nam coob moog cuag luag nam ntseg moog cuag ntxhee tsi pum qaab yuav zug yuav yuav koj lub dlaag lub zug tuaj nrug saib tshoob saib kug tuaj ua rua qhua noj qhua haus kub teg kub taw es yuav muab koj laub rua txuj tsiv kev los thov koj ua sab ntev nawv.

Thov tug Ua Mov:
Thov tug ua mov has le nuav: Tsaws ib saab kob cawv (ib khub cawv) rua. Nub nua nwg (txiv tsev) tso nam coob moog cuag luag nam ntseg moog cuag ntxhee tsi pum qaab yuav zug yuav yuav koj lub dlaag lub zug tuaj nrug saib tshoob saib kug, tuaj ua rua qhua noj qhua haus kub teg kub taw es yuav muab koj laub rua txuj tsiv kev los thov koj ua sab ntev nawv.

Cov Qhua Laug:

1. Yawm Txoos
   
   
2. Nam Txiv Dlaab
   
   
3. Nug Tij
   
   
4. Qhua Tais Laug Txiv Laug.
   
   

Thov Cov Qhua:
Has rua koj tas ib tug ntxhais (Npe) lawv vauv lawm es yog nub puav nuav tsi tsheej tshoob tsheej kug los tseg yog tsheej tshoob thseej kug nua tes ib yuav vaam meb tuaj paab saib tub saib ntxhais moog ua neej tuaj nrug tuav txuj qaab hlua nawv. Rooj Tshoob Tseem

Txhij tub yug.

Rooj cawv lug thov dlaag zug hab tso dlej num.

1 xeej cawv thov dlaag zug.
1 xeej cawv ua tsaug
1 xeej cawv tso dlej num
1 xeej cawv lawv rooj
Rooj Tseem:

Yog tsi muaj qhua txwj qhua laug tes mej koob hab txum mej nyob tom hov paug rooj chiv cawv tuaj los tau. Qhov zoo mas yuav tau muab ob tug tuab neeg lug chiv cawv tom hov paug rooj. Yog ib rooj tshoob lawm txawm tsi muaj qhua txwj qhua laug los yuav tau laig dlaab tshoob.

Yog muaj qhua txwj qhua laug lawm tes yuav ua xeej cawv tsawg npaum caag los yuav tau muaj xeej cawv suav yaig hab ntaus dlaab le.

Rooj Tso Tub Yug:

Rau ntxuag rua tes nqug txum mej, kaav xwm, tshwj kaab hab nam ua mov lug nyob. Laub cawv, chob ntxuag, muab naab ntawv hab tug nyuas ntxuag cob rua.

Lug has le nuav: Ua tsaug nawv Npe (txum mej) nub nua (npe)Txiv tsev nwg tso nam coob moog cuag luag ntseg moog cuag ntxhee vaam vaam koj tuaj nrug txuas tshoob txuas kug nub nua dlaab qhuas ntxhee taag lawm kuas peb caw tug ntxuag tsi muaj rua koj khaws muab lub rooj qhuav lug lwv koj xwb es ua koj tsaug nawv.

Tshooj ob: muaj nub koj ntoo maaj tsi txawm tuaj nruab kaab ntoo tuv tsi txawm tuaj ruab kev muaj tub tsi muab nyaab muaj ntxhais tsi taws qua los tseg koj ntoo maaj txawm tuaj ruab kaab ntoo tuv txawm tuaj nruab ke muaj tub muab nyaab muaj ntxhais tsaws qua koj vaam tsi txug peb cov txiv tub los tseg vaam txug peb cov txiv tub peb tuaj ua tsi tau tug ncej ruv los yuav tuaj ua tug ncej kaum ua tsi tau tug ncej kaum los yuav tuaj nrug koj kwv raaj dlej puag tsuag tawg thab lub plaab theej lub thauv nawv.

Lug has le nuav: Ua tsaug nawv Npe (kaav xwm) nub nua (npe)Txiv tsev nwg tso nam coob moog cuag luag ntseg moog cuag ntxhee vaam vaam koj tuaj coj qhua noj qhua haus nub nua dlaab qhuas ntxhee taag lawm kuas peb caw tug ntxuag tsi muaj rua koj khaws muab lub rooj qhuav lug lwv koj xwb es ua koj tsaug nawv.

Tshooj ob: muaj nub koj ntoo maaj tsi txawm tuaj nruab kaab ntoo tuv tsi txawm tuaj ruab kev muaj tub tsi muab nyaab muaj ntxhais tsi tsaws qua los tseg koj ntoo maaj txawm tuaj ruab kaab ntoo tuv txawm tuaj nruab ke muaj tub muab nyaab muaj ntxhais tsaws qua koj vaam tsi txug peb cov txiv tub los tseg vaam txug peb cov txiv tub peb tuaj ua tsi tau tug ncej ruv los yuav tuaj ua tug ncej kaum ua tsi tau tug ncej kaum los yuav tuaj nrug koj kwv raaj dlej puag tsuag tawg thab lub plaab theej lub thauv nawv.

Lug has le nuav: Ua tsaug nawv Npe (ob tug tshwj kaab) nub nua (npe)Txiv tsev nwg tso nam coob moog cuag luag ntseg moog cuag ntxhee vaam vaam koj tuaj ua rua qhua noj qhua haus kub teg kub taw nub nua dlaab qhuas ntxhee taag lawm kuas peb caw tug ntxuag tsi muaj rua koj khaws muab lub rooj qhuav lug lwv koj xwb es ua koj tsaug nawv.

Tshooj ob: muaj nub koj ntoo maaj tsi txawm tuaj nruab kaab ntoo tuv tsi txawm tuaj ruab kev muaj tub tsi muab nyaab muaj ntxhais tsi taws qua los tseg koj ntoo maaj txawm tuaj ruab kaab ntoo tuv txawm tuaj nruab ke muaj tub muab nyaab muaj ntxhais tsaws qua koj vaam tsi txug peb cov txiv tub los tseg vaam txug peb cov txiv tub peb tuaj ua tsi tau tug ncej ruv los yuav tuaj ua tug ncej kaum ua tsi tau tug ncej kaum los yuav tuaj nrug koj kwv raaj dlej puag tsuag tawg thab lub plaab theej lub thauv nawv.

Lug has le nuav: Ua tsaug nawv Npe (nam ua mov) nub nua (npe)Txiv tsev nwg tso nam coob moog cuag luag ntseg moog cuag ntxhee vaam vaam koj tuaj ua rua qhua noj qhua haus kub teg kub taw nub nua dlaab qhuas ntxhee taag lawm kuas peb caw tug ntxuag tsi muaj rua koj khaws muab lub rooj qhuav lug lwv koj xwb es ua koj tsaug nawv.

Tshooj ob: muaj nub koj ntoo maaj tsi txawm tuaj nruab kaab ntoo tuv tsi txawm tuaj ruab kev muaj tub tsi muab nyaab muaj ntxhais tsi taws qua los tseg koj ntoo maaj txawm tuaj ruab kaab ntoo tuv txawm tuaj nruab ke muaj tub muab nyaab muaj ntxhais tsaws qua koj vaam tsi txug peb cov txiv tub los tseg vaam txug peb cov txiv tub peb tuaj ua tsi tau tug ncej ruv los yuav tuaj ua tug ncej kaum ua tsi tau tug ncej kaum los yuav tuaj nrug koj kwv raaj dlej puag tsuag tawg thab lub plaab theej lub thauv nawv.

Laig Dlaab Tshoob:

Cos tis nees yuas hauv sis laws hauv tej hauv si law – ib ntshai nwg lis puj xa lis chiv yuav pw tshoob – nwg lis puj yuav nug nwg lis yaws tas lis tsi le ca tau noob qoob. Nwg lis yaws yuav tas yog saub pug le ca tau noob qoob. Nwg lis yaws xa lis chiv yuav pw kug – nwg lis yaws nug lis puj tas lis tsi le ca tau noob loo. Nwg lis puj yuav coj xuv lis ntsaws rua naag nag naag nag le ntoj lis nuag moog txug saub pug tej tsi peg moog txu tau noob qoob nam moo gib re. Nwg li yaws yuav coj xu lis ntsaws rua naaj txiv naag txiv yuav ntoj lis nuag moog txug saub txiv tej tsi peg moog txu tau noob qoob lug laqm nam ib rev. Naag nag coj tau noob qoob rov lug poob. Naag txiv coj tau noob loo rov lug txug. Nwg lis puj muab nam ib taus noob qoob hua lis hawv rua tej tsi taug qab taug los qab raub. Muab nam ib taus hua lis hawv rua tej tsi peg qab tag los qab res. Nwg lis puj muab nam ib taus hua lis hawv tuaj rua nruab roob nplooj zoo dloog lis xab kaav zoo dloog li xaw naab zoo ncaws lis ncawv. Tsi muab los nam teb quas dlais coob. Nwg lis puj moog muab tau coj lug ua tau cuaj tsu kaum tsu kev zej kev zog muab noj taag tshuav nam ib tuab dlav rua ib nkawm txiv txum mej koob tau coj lug haiv tshoob.